و ش.ع       متابعة۔ محمد مختار  

الاحد   29 مارس 2026   
سليم واللي جعلته محط أنظار كل الجامعة إلا أن فيه شيء غير مريح بالنسيلة لسمير الاسكندراني.

المعلومة اللي جعلت الشك والريبة تتصاعد داخل سمير نحو سليم لما وجد معاه جواز سفر أمريكي. 

تعامل سمير مع الجنسيات والثقافات المختلفة جعله لماح لأي شيء غير طبيعي . 
ولما سليم تقرب من سمير وبدأ يصاحبه، قرر سمير أنه يلعب عليه لعبة ذكاء وخداع ويشوف نتيجتها. 

سمير بدأ يكلم سليم عن أسرته وحياته في مصر وتعليمه وثقافته وكل شيء من باب التعرف والدردشه بين الأصدقاء. 

في لحظة ما سمير قال لسليم معلومة اعتبرها سر مفيش ناس كتير تعرفه وأنه بيقول لصديقه سليم لأول مرة .

سمير قاله أن جده من أصول يهودية كان عايش في الإسكندرية في مصر لكنه أسلم وتزوج جدته واللي هي ايضًا فيها عرق يوناني. 

لكن الناس لم تنسى لجد سمير أصوله اليهودية وعلشان كدا ترك الإسكندرية وهاجر للقاهرة واستقر فيها وهناك مفيش حد يعرف أصوله. 

وختم كلامه وهو بيخفض صوته وكأنه لا يرغب أن يسمعه أحد وقال  
الحقيقة يا سليم إني ميال أكتر لجذور جدي اليهودية لكن ارجو أن مفيش حد يعرف دا  الموضوع عندنا في مصر بالغ الخطورة إنك تكون من أصول يهودية أو ميال لليهود. 

قصة بسطية من سمير الاسكندراني لسليم الغامض لكنها اوقعته في الفخ بالفعل. 
سليم قاله أنه هو ايضًا مش مصري لكنه يهودي وهنا تأكدت شكوك سمير الاسكندراني في سليم ووقتها قرر أنه يكمل في لعبة الخداع معاه.

قاله أنه بيكره النظام المصري وساخط على الحياة في مصر كلها لأنها تقيد الشباب ولا تعطيهم اي فرص للحياة اللي يرغبوا فيها.

سمير استفاض في الكلام عن حبه للحرية والتحرر والحياة ببذخ وانفاق المال وبدون قيود لكن كل دا غير متاح في مصر وعلشان كدا هو لا يحب النظام في مصر. 

اللي ساعد سمير على إقناع سليم بكلامه هو طبيعته وطريقة تعامله وتصرفاته.  
زي ما قلنا سمير الاسكندراني كان مختلف جدًا عن كل نوعية الشباب العربي اللي عرفها الموساد الإسرائيلي في أوربا.

سليم بعد ما تأكد أن سمير هو الشخص المطلوب للتجنيد قدمه لشخص قاله أنه صديق وهيساعده. 
الشخص دا اسمه جوناثان شميت.  
جوناثان جلس مع سمير عدة مرآت وسمع منه كل شيء عن حياته وأفكاره وقناعاته واخيرًا قدم له عرض تعاون .

جوناثان كان ضابط موساد لكنه لم يقولها لسمير صريحة في البداية  
عرض عليه العمل مع منظمة اسمها  منظمة البحر الأبيض لمحاربة الشيوعية والاستعمار 

زي ما قال جوناثان لسمير أن المنظمة هدفها القضاذ على الشيوعية اللي بدأت تزحف على دول الشرق وخاصة مصر.

وفي الوقت الحالي المنظمة مركزة على استعادة أموال وممتلكات اليهود اللي استولى عليها نظام عبد الناصر في مصر بعد هجرة اليهود منها بعد سنة 1956. 
بعد ما جوناثان وضح لسمير الاسكندراني طبيعة عمل المنظمة وأهدافها ، عرض عليه التعاون معهم .

وطبعًا مفيش منظمة أصلا لكن في الخلفية جهاز الموساد الإسرائيلي.  
جوناثان عرض عليه مرتب شهري ثابت كبير جدًا مقارنة بدخل الناس في مصر في الوقت دا وكمان مكافآت عن كل مهمة يقوم بيها أو معلومات هامة يحضرها عن مصر.

سمير الاسكندراني وافق على التعاون مع ضابط الموساد جوناثان شميت وفي نفس الوقت كان سليم اختفى من حياته تمامًا وأصبح كل تعامله مع جوناثان.  
وفي إيطاليا دربوا سمير على أعمال النجسس والكتابة بالحبر السري وفك الشفرة وجمع المعلومات العسكرية.

بعد التدريب اعطوه مبلغ كبير من المال ينفق منه ويبدو انهم كانوا عاملين حسابهم وترتيباتهم على كل شيء.

طلبوا منه أول ما يرجع مصر يتطوع في الجيش المصري ويصبح جندي وطبعًا بالشكل دا هيكون قريب جدًا من مصادر المعل المعلومات العسكرية ويقدر يوصلها. 

جوناثان قال لسمير على قصة يقولها في حالة أن حد سأله عن مصدر الفلوس اللي معاه .

المفروض أنه طالب بيدرس في بيروجيا وعايش من النقود اللي يرسلها له والده. 
جوناثان طلب من سمير يقول أنه كان بيغني في نادي ليلي في روما وبالشكل دا حصل على النقود. 

وعلشان القصة نكون محبوكة تمامًا جوناثان أعطاه مجلة إيطالية فيه صورته واسمه وهو بيغني في نادي ليلي.

وبالشكل دا أصبح سمير جاهز تمامًا لبدء مهمة التجسس على بلده . 
سمير رجع بيروجيا بنتظر كم يوم قبل ما يحضر نفسه ويرجع مصر . 
في الوقت دا فوجيء بزيارة أخوه سامي.

سامي الاسكندراني كان مسافر النمسا في شغل وفكر يمر على إيطاليا يسلم على سمير ويقضي معه كم يوم إجازة.

سامي لاحظ أن سمير متوتر وقلق من شيء ما ومتردد كأن عنده سر بخفيه لكن لما سأله لم يخبره بشيء. 

في آخر يوم في اجازة لسامي وقبل ما يسافر النمسا كان سمير حسم أمره وقاله على كل اللي حصل معاه. 

سامي طلب منه يرجع مصر على الفور وبعرف والده ويروح للمخابرات المصرية يعرفهم كل شيء لكن سمير كان خايف بالفعل من الموقف كله في رأيك هل سمير هيبلغ المخابرات المصرية بالله حصل معاه في بيروجيا

https://www.alsharqalarabi.com/mn-ho-smyr-alaskndrany-almtlob-mn-almkhabrat-alasrayyly-oaol-hlkat-hyath
يتبع فى الحلقة القادمة