و۔ش۔ع     

القاهرة - جيهان حسن 

السبت  مارس 14 2026 

قصة احد الجنرالات في الجيش المصري اللي رعب إسرائيل في عز انكسار نا
تخيل انك تكو ن  أشرس قائد في الجيش وكل القاده وعلى رأسهم رئيس الجمهو يه بيثقوا فيك وتكتشف ان مدير مكتبك بعد ماكنت بتثق فيه يطلع خائن وجاسوس في الحياه العسكريه كبيره وخاصة لما يكون الخاين مع قائد معروف عنه الانضباط وعدم التهاون وحبه لمصر واخلاقه لعمله
قصه حقيقيه مرعبه عاشها واحد من أعظم القادة هو اللواء أركان حرب  نبيل شكري  راعب إسرائيل واللي كانت بتحسبله
الف حساب اتولد في القاهره سنة ١٩٣٠ شارك في حرب فلسطين وكان لسه طالب وحرب ١٩٥٦ وحرب اليمن وحرب ١٩٦٧ وحرب الاستنزاف وحرب أكتوبر يعني حياته وتاريخه كله اشتباك بعد ١٢ يوم بس من حرب ١٩٦٧ بدا الجحيم على إسرائيل في سينا أرض محروقه تحت رجليهم قتل اكثر من ١٤٠ ضابط وجندي اسرائيلي وأسر ١٥ جندي  وضابط ويقال انه اسر قائد المنطقه الجنوبيه لجيش الاحتلال وفي عز ماكان بيبني حائط الصواريخ علشان يحمي مصر لاحظ انه كل مايتعمل قاعدة صواريخ الطيران الاسرائيلي يضربها تاني يوم وكأنهم معاهم خريطه واكتشفت الكارثه بأن المعلومات بتتسرب من مكتبه هنا اختبرته الخيانه كما اختبرته المعارك نعم الخيانه اللي جتله من اقرب مسافه من مدير مكتبه نفسه فاروق عبدالحميد الفقي اللي كل يوم سامع اللي بيتقال سواء خطط او تحركات اللي طلع مجند لحساب الموساد عن طريق خطيبته هدى سليم ولما عرف واتأكد نبيل شكري ان اللي بيسرب المعلومات مدير مكتبه
نبيل شكري قدم استقالته للسادات لكن السادات رفض وقاله انت ملكش ذنب وانا واثق فيك ومتاكد انك بعيد كل البعد عن أي شبهات
لكن وقتها نبيل طلب طلب واحد من السادات انه يكون ضمن فرقة تنفيذ حكم الإعدام لهذا الخائن وفعلا حضر وشاف بعنيه وهو بينضرب بالرصاص وغسل العار باديه 
وفي حرب أكتوبر ١٩٧٣ كان قائد الصاعقه ولما حصلت الثغره نبيل شكري ورجالته عملوا ملحمه بطوليه في ابو عطوه وحولوا دبابات شارون لخرده ومنعوا احتلال الاسماعيليه وبور سعيد وهزموهم شر هزيمه 
وفي سنة ١٩٧٨ وفي مطار لارنكا بقبرص اغتيل يوسف السباعي وكلف السادات نبيل شكري انه يقود قوة صاعقه علشان تدخل قبرص ويحرر رهائن مصريين ويتم القبض على القتله في الأول شكري اعترض عسكريا علشان ممكن ننصدم بالجيش القبرصي لكن السادات صمم ونفذ شكري وقتها وبالفعل حصل الاشتباك ووقتها استشهد عدد من رجال الصاعقه وبعدها تم تعيينه مديرا للكليه الحربيه وخرج في صمت الكبار وساب تراب البلد مرسوم بدم الابطال وعرق الرجال اللي عاشوا أبطال وماتوا أبطال رحم الله البطل اللواء نبيل شكري  واسكنه فسيح جناته