و.ش.ع
اعداد/ زينب حسن
قرص هشة وناعمة من جوه، وريحة السمنة تخلي البيت كله على مزاج
تنفع فطار، عشا، أو مع كباية شاي داف
المقادير:
1 كيلو دقيق
2 علبة زبادي
1 كوب لبن دافئ
1 ونص كوب سمنة ذائبة
1 كيس بيكنج بودر
1 كيس خميرة فورية
1 معلقة صغيرة ملح
2 معلقة كبيرة سكر
طريقة التحضير:
نذوب الخميرة مع السكر في كوب اللبن الدافئ، ونسيبها 10 دقايق لحد ما تفور وتطلع فقاعات.
في بولة كبيرة ننخل الدقيق، ونضيف البيكنج بودر والملح ونقلب كويس.
نضيف خليط اللبن والخميرة، ثم الزبادي، ونبدأ نعجن لحد ما المكونات تتجمع.
نضيف السمنة الذائبة تدريجيا مع العجن لحد ما نحصل على عجينة طرية وناعمة.
نغطي العجينة ونسيبها تخمر في مكان دافئ لحد ما يتضاعف حجمه نكوّر العجين كور متوسطة، ونفرد كل كرة في صينية مدهونة زيت بسمك خفيف.
نغطي الصينية ونسيب القرص ترتاح 5 دقايق.
نسخن الفرن على أعلى درجة حرارة.
ندخل الصينية الفرن ونسيب القرص تستوي وتاخد لون دهبي جميل.
أول ما تطلع، نغطيها بفوطة نظيفة علشان تفضل طرية ومش تنشف.
تتقدم سخنة وطريّة… وطعمها مضمون من أول مرة
Leave a comment
Your email address will not be published. Required fields are marked *