و۔ش۔ع

القاهرة - سوزان البوشي

 الاحد  مارس 15 2026   
الوادي الملون ب #نويبع
يطلق عليه البعض أيضا كلرد كانيون أو الاخدود الملون
ممكن نعتبره واحد من عجائب الطبيعة في سيناء
المكان مش مجرد وادي
انما هوه عبارة عن متاهة في صخور بتتلون بالأصفر.. والأرجواني والأحمر .. و بأنماط فريدة شبيهة بالدوامات اللي ممكن يضيع فيها اللي ينظر لها لفترة أطول من اللازم
وبيوصل ارتفاعها في بعض الأماكن ما بين 40 إلى 80 متر

ويُعتبر أحد العجائب الطبيعية في محمية طابا بسيناء.
وبيقع على بعد حوالي 90 كم من شمال دهب.
وتُعتبر نويبع  هي المدينة الآقرب له،
لانها على بعد حوالى 3 كم بس منه

وبيتكون الوادى من صخور ملونة على شكل منحدرات بتشبه مجرى نهر جاف، 
وبيبلغ طوله حوالي 800 متر
براحه طيب متزقش هقول اتكون ازاي 
الوادي اتشكل بالجمال دا من تفاعل مياه الأمطار والسيول الشتوية وعروق الأملاح المعدنية،
اللي حفرت لها قنوات وسط الجبال بعد تدفقها لمئات السنين

من النقط المهمة ..
أن فيه كانيون كبير و كانيون صغير 
و انك متسرحش وانت هناك مع المناظر كتير .. المكان فيه طاقه رهيبه ..
سبحان الله