و۔ش۔ع

القاهرة - محمد مختار

 الاحد  مارس 15 2026  

الجملة اللي فاتت دي جزء من رسالة بعتها الحرس الثوري الإيراني من شوية على تليفونات الإسرائيليين اللي مستخبيين دلوقتي في الملاجيء في تل أبيب وده في نفس الوقت اللي الضرب فيه شغال حاليًا على كل الأهداف الإسرائيلية والأمريكية في المنطقة حتى في دول الخليج
دلوقتي واثناء ما احنا بنتكلم الحرس الثوري الإيراني وجه تحذير لأمريكا بإخلاء جميع المنشآت الصناعية الأمريكية في الشرق الأوسط، وحذر المدنيين في الخليج من انهم يبتعدوا عن أي مكان مرتبط بمنشأة أمريكية عشان ميتأذوش وبالفعل بدأوا القصف على المواقع الأمريكية في الخليج والموضوع اتطور كمان لقصف الموانيء في الإمارات ومطار الكويت وضربوا حتى فرع CITIBANK اللي في دبي، وحاليًا البنك قفل فروعه كلها هناك تقريبًا ده غير انهم حاليًا بيعتبروا كل الموانيء في المنطقة أهداف مشروعة وقصفوا ميناء الفجيرة في الإمارات لكن برغم كل ده ترامب طالع من شوية يقولك قضينا على 100% من قوة إيران
طب يا عم ترامب لو القوة الإيرانية اتمسحت فعلاً أمال الحرب في اليوم الـ 15 في تصاعد ليه حسب تصريحات المسؤولين الإسرائيليين ومنين الصواريخ والمسيرات لسه بتمطر على إسرائيل والقواعد الأمريكية بالعشرات كل يوم
خليني أقولك بعض التفاصيل اللي مش عايزينك تاخد بالك منها برغم اني مش مألفها والله دي كلها من اعلام الغرب نفسه وول ستريت جورنال ونيويورك تايمز ورويترز

​أمريكا وإسرائيل من ساعة ما الحرب دي بدأت حشدوا ترسانة مرعبة أكتر من 700 طيارة من الـ B-2 والـ F-35 و100 قطعة بحرية وآلاف الصواريخ ولحد دلوقتي حسب تصريحات اسرائيل والقيادة المركزية الأمريكية عملوا أكتر من 10 آلاف هجوم جوي ضربات توقع دول عظمى في أيام بس النتيجة بعد أسبوعين إيه
أولًا كده مضيق هرمز مقفول بالضبة والمفتاح وإيران مسيطرة عليه وهي اللي بتعدي السفن أو تضربها بمزاجها من الزوارق الحربية الصغيرة بعد تدمير جزء كبير من السفن الحربية الإيرانية
ثانيًا دمروا رادارات أمريكية في قطر والكويت والإمارات تمنها 4 مليار دولار واتسببوا في عمى لأنظمة التحذير المبكر في المنطقة وباستعمال شوية مسيرات انتحارية ثمنها ميكملش 30 ألف دولار ضربوا كل القواعد العسكرية والمناطق الأمريكية في الخليج بلا استثناء
ثالثًا وقعوا لحد دلوقتي ما يفوق ال 100 مسيرة متطورة من اسرائيل وأمريكا من ضمنها ال Hermes-900 بالإضافة لخسارة أمريكا حوالي 5 طيارات F-15 من ضمنهم اللي اتضربوا في الكويت بالإضافة لطيارة تزويد بالوقود 135-KC تم اسقاطها بالكامل في العراق، و 4 كمان اتضرروا في قصف إيراني على مواقع في السعودية امبارح
رابعاً ده غير كمان نجاحهم في توجيه أكتر من ضربة بالمسيرات لحاملة الطائرات إبراهام لينكولن فخر العسكرية الأمريكية اللي بحسب التقارير انسحبت من موقعها وبعدت عن أماكن الضرب
السيناتور الأمريكي كريس ميرفي من شوية قال في ثريد على إكس إن ترامب فقد السيطرة تماماً على الحرب دي وإنه وقع في فخ سوء التقدير ومشي ورا تقارير اسرائيلية مغلوطة كانت مفهماه ان إيران هترفع الراية البيضا في 72 ساعة لكن الصدمة إن المنطقة كلها ولعت وإيران أظهرت قدرات غير متوقعة في المقاومة وأمريكا دلوقتي معندهاش خطة ب لفتح مضيق هرمز اللي قفلته إيران
خامسا ده غير انه قال ان أمريكا مش قادرة تحمي ناقلات البترول لأن إيران عندها جيش من المسيرات الصغيرة والزوارق الانتحارية والألغام البحرية اللي مستحيل القضاء عليها بالكامل مهما كانت قوة القصف وقال إن أحسن خيار أمام ترامب دلوقتي هو إنهاء الحرب قبل مزيد من الخسائر في الأرواح الأمريكية التويتة في الصورة اهي وهسيبلك الثريد في الكومنتات 
سادساً وعشان تعرف إن البروباجاندا الإسرائيلية مخبية بلاوي من شوية فلاديمير بيلياك عضو الكنيست الإسرائيلي كان كاتب تويتة بيرد فيها بسخرية على كلام نتنياهو عن ان اسرائيل بتنتصر وفي التويتة دي فضح الدنيا وقال إن في عندهم 2000 قتيل وعشرات الآلاف من المصابين والنازحين الرقم يعني الصواريخ الإيرانية مقتلتش 8 أشخاص بس زي ما هما بيقولوا في إعلامهم الأرقام الحقيقية بدأت تطلع غصب عنهم وعن التعتيم الإعلامي المرعب اللي هما فارضينه على شعبهم وظهر الواقع الفعلي وهو ان إسرائيل دفعت ثمن مهول في الأرواح والمنشآت
طبعًا الكلام ده مش هيعجب ناس كتير من لاعقي أحذية الأمريكان والصهاينة وهيخشوا يقولولك ان كل المحللين والوسائل الإعلامية وتقارير الصحافة وكلام رجال الكونجرس والكنيست دول بيسرحوا بينا ف تمام يعني واصلال بس كان مهم انك تعرف التفاصيل دي كلها عشان الصورة تبقى واصلالك